د دید خبري آژانس د خبر له مخې، د افغانستان په لوېدیځ کې د زلزلې له لړۍ وروسته د اروپايي ټولنې ۹۲ ټنه د اړتیا وړ بشري توکي له زیانمنو شویو خلکو سره د مرستې په موخه هرات ته رسېدلي دي.
اروپايي اتحادیې په دې وروستیو کې په یوه خبرپاڼه کې اعلان وکړ چې په دوبۍ کې یې د کمپلو او ژمنیو کڅوړو او خیمو په ګډون ۵۷ ټنه توکي، د روغتیا نړیوال سازمان ته ۲۰ ټنه درمل او د خوړو نړیوال پروګرام ته ۱۵ ټنه خوراکي توکي استولي دي.
اتحادیې زیاته کړه چې ټاکل شوې ده دوهمه او دریمه الوتنه به ډیر ژر له برندیسي او دوبۍ څخه هرات او کابل ته ترسره شي.
د اروپايي اتحادیې د بحرانونو د مدیریت کمېشنر جانز لینارچیک وویل: په افغانستان کې له وروستۍ زلزلې وروسته، اروپايي ټولنه هوډ لري چې د افغانستان له اړو خلکو سره مرستې وکړي. موږ د ګړندۍ ، د پام وړ او مؤثره مرستې چمتو کولو لپاره متحد یو ، کوم چې زموږ د پیوستون او ژمنتیا څرګندونه کوي ترڅو د اغیزمنو خلکو سره د دوی د ژوند په بیارغونه کې مرسته وکړي.
په افغانستان کې د اکټوبر په اوومه له لومړۍ زلزلې وروسته، اروپايي ټولنې د بشري مرستو یوه بسته تصویب کړه، چې په کې ۲.۵ میلیونه یورو د تمویل او همدارنګه له زېرمو څخه د بیړنیو مرستو برابرول شامل دي.
د پلان شویو الوتنو سره یوځای، د دې زلزلې په ځواب کې د اروپایي اتحادیې ټول ملاتړ ۴۰۵ ملیون یورو لوستل شوی.
د يادونې وړ ده، چې له کورنيو او بهرنيو مرستو سره سره، په قربانيانو کې د مرستو په عادلانه ډول نه وېشل کېږي.
