اسلایدشوافغانستانامنیت و حوادثبرگزیدهروستي خبرونهټولنه
په تېرو شپږو مياشتو کې د ترافيکي پېښو له امله تر زرو ډېر کسان وژل شوي دي
ډید خبري اژانس: د کورنیو چارو وزارت اعلان کړی چې په تېرو شپږو میاشتو کې په ټول هېواد کې په ترافیکي پېښو کې ۱۰۲۹ تنو ته مرګ ژوبله اوښتې ده.
د کورنیو چارو وزارت ویاند عبدالمتین قانع د یکشنبې په ورځ (د میزان ۲۹مه) په یوه خبري غونډه کې وویل چې په دې موده کې د هېواد په لویو لارو او ښارونو کې ۲۲۸۸ ترافیکي پېښې شوي دي.
ده وويل چې په دې پېښو کې ٣٨٩٠ تنه نور ټپيان شوي دي.
د کورنیو چارو وزارت ویاند ویلي دي چې دا پیښې د موټر چلوونکو د «بې احتیاطي» له امله رامنځته شوې دي.
په ورته وخت کې د سړکونو تخریب، د لارو خرابوالی او د موټرو خرابوالی هم د ترافیکي پېښو له لاملونو بلل کېږي.
