ډید خبري اژانس: د ایران د کورنیو چارو وزیر احمد وحیدي ویلي، په دغه هېواد کې شاوخوا پنځه میلیونه افغان کډوال ژوند کوي.
د فارس خبری اژانس د رپوټ له مخې، د ایران د کورنیو چارو وزیر دغه څرګندونې نن چهارشنبه (۵ میزان) د حکومتی پلاوی د غونډې په څنډه کښې وکړې.
هغه وويل: هغه څه چې موږ په غير رسمي ډول په ايران کې د مېشتو افغانانو شمېر شاوخوا پنځه ميليونه او په رسمي ډول کم اعلان کړو.
هغه زیاته کړه، چې په رسنیو کې د افغان مهاجرینو د شتون په اړه احصایې خپریږي، چې کره سرچینه نه لري.
د هغه په وينا، د پناه غوښتونکو او بهرنيو اتباعو وضعيت يوه مهمه موضوع بلل شوې چې د ايران د کورنيو چارو وزارت په ګډون د ټولو بنسټونو په حکم کې ده.
وحيدي يادونه وکړه، چې ناقانونه اتباع بايد بېرته خپل هېواد ته ستانه شي او هغه کسان چې د اوسېدو اجازه لري، بايد تنظيم شي.
په وروستیو کلونو کې په افغانستان کې د طا-لبانو له نفوذ وروسته ایران ته قانوني او غیر قانوني مهاجرتونه زیات شوي دي.
