روستي خبرونهنړۍ
آلمان وايي د امریکا له بندیزونو سره سره به له روسیې ګاز پېري
د آلمان د بهرنیو چارو وزیر زیگمار گابریل وايي، امریکا هڅه کوي چې د بندیزونو له لارې اروپايي شرکتونه په روسیه کې د انرژۍ په برخه کې له پانګونې را وګرځوي.
د نوموړي په وینا په دې توګه امریکا غواړي د روسیې د ارزانه ګاز په بدل کې امریکا پر اروپا څو برابره ګران ګاز وپلوري. زیګمار ویلي، چې اروپايي شرکتونه په تېره د آلمان شرکتونه به د امریکا له فشارونو سره سره، له روسیې سره په دې برخه کې سوداګري روانه ساتي او اروپايي شرکتونه به د تل په څېر په روسیه کې د انرژۍ او ګازو په برخه کې پانګونه کوي.
