د دید خبري آژانس د خبر له مخې د کندهار سیمه ییزو چارواکو اعلان کړی، چې د قطر خیریه بنسټ به په دغه ولایت کې ۴۰۰ بستریز روغتون جوړ کړي.
د کندهار ولايت مقام وايي چي د قطر خيريه بنسټ دوو استازو جمال قاسم محمد او عبدالمجيد عبدالقوي الحميدي د کندهار له والي ملا شيرين سره په ليدنه کي د څلور سوه بستريز روغتون د جوړولو ژمنه وکړه او ويې ويل چي دوی معلومات راټولوي.
د کندهار ولايت مقام وايي چي د خيريه موسسو استازو هم د عينو مېنې لپاره د ٣٥٠ بستريز روغتون د سمبالولو ژمنه وکړه.
قطر له څو کلونو راهیسې د طا-لبانو د سیاسي دفتر کوربه دی او له مشرانو سره یې ژورې اړیکې لري.
