د تورخم له لارې له چین څخه افغانستان ته د لومړي بار وړونکي توکي را رسیدل

ډید خبري اژانس: د روټایر د نړیوال ټرانسپورټي کنوانسیون له مخې له چین څخه لومړۍ کارګو د تورخم له پولې افغانستان ته راورسېده.

د پاکستان د ګمرکونو سیمه ایزو چارواکو په یوه بیان کې ویلي چې دا تاریخي پیښه د ټرانزیټي سوداګرۍ په برخه کې یو لوی پرمختګ دی او د پاکستان او افغانستان پر پوله د ترانزیتي سوداګریزو فعالیتونو د زیاتوالي او همدارنګه له چین، افغانستان او د منځنۍ اسیا جمهوریتونه سره د اقتصادي اړیکو د پیاوړتیا په برخه کې به اوږده مرسته وکړي.

د دغه راپور پر بنسټ، د تورخم په صفري نقطه کې هم د افغانستان او پاکستان د ګمرکونو او د سوداګرۍ خونې د مسوولینو او چارواکو په حضور کې مراسم ترسره شوي دي.

په دې مراسمو کې د پېښور د ټرانزیټ سوداګرۍ رییس ارباب قیصر حمید خبرې وکړې او د ټرانزیټ او دوه اړخیزه سوداګرۍ د پیاوړتیا، اسانتیا او ساده کولو لپاره یې د پاکستان ګمرکونو د سترو پرمختګونو او نوښتونو پر اهمیت ټینګار وکړ.

هغه وويل، په دغو اقداماتو کې د ازبکستان-پاکستان ترانزيټ سوداګريز تړون (UPTTA)، د پاکستان-تاجیکستان ترانزيټ سوداګريز تړون (TPTTA)، د اسلام اباد په هوايي ډګر کې د هوايي ځمکني ترانزيټي سوداګرۍ اسانتيا، د کراس ډکول، د غلام خان له لارې د ټرانسپورټ پيل او هم قوانین ساده کول شامل دي.

هغه ټینګار وکړ: د ترانزیت او سوداګرۍ د مدیریت سیسټم (ITTMS) په بشپړیدو سره به په تورخم کې د ټرافیکي ګڼې ګوڼې ستونزه حل شي او د دوه اړخیزو او ټرانزیټي تبادلو حجم به زیات شي.