دید خبري آژانس: د ایران تسنیم خبري آژانس په یوه راپور کې ویلي، چې د دغه سازمان عکاس او ادیتور د کابل په هوايي ډګر کې د طا-لبانو له خوا نیول شوی دی.
د یوه راپور له مخې چې نن سه شنبه (د اسد ۳۱مه) خپاره شوه، طا-لبانو د کابل له هوايي ډګر څخه د دغه خبري آژانس عکاس او ادیتور محمد حسین ولایتي نیولی دی.
دغه عکس اخیستونکی د سې شنبې په ورځ له ایرانه د راستنېدو پر مهال د کابل له هوايي ډګره ونیول شو.
د تسنیم د راپور له مخې، د دغه خبری اژانس عکس اخیستونکی «افغانستان ته په قانونی او د هوایی پولې له لارې داخل شو او لس ورځې په کابل کې پاتې شو».
دې خبري اژانس لیکلي چې د دې عکس اخیستونکی «بې له کوم مشخص وضاحت» نیول شوی او له تعقیب سره سره طا-لبانو د هغه د نیولو لامل نه دی وړاندې کړی.
د دغه خبری آژانس په رپوټ کی راغلی دی: له ایرانی خبریالانو سره د طا-لبانو د مقابلې په هکله د ایرانیانو منفی ذهنیت ته په پام سره، تمه کیږی چی دغه ډله به د محمد حسین ولایتی د خلاصون په هکله له کوم ځنډ پرته عمل وکړی.
تر اوسه امنیتي ارګانونو او طا-لب ویاندویانو په دې اړه څه نه دي ویلي.
د يادونې وړ ده، چې تر دې مهاله په افغانستان کې ګڼ شمېر بهرني خبريالان نيول شوي او په زندانونو کې دي.
