د ایران د بهرنیو چارو وزیر: هغه څوک چې په سویډن کې قرآن کریم ته سپکاوی کوي باید ونیول شي او محاکمه شي
ډید خبري اژانس: د ایران د بهرنیو چارو وزیر خپل سویډني سیال ته ویلي، هغه څوک چې قرآن ته سپکاوی کوي باید ونیول شي او محاکمه شي.
د ایران د بهرنیو چارو وزیر حسین امیرعبداللهیان خپل سویډني سیال ته وویل: د هرچا لخوا په هر ځای او هر ډول شرایطو کې د قرآن کریم او نورو سپېڅلو کتابونو سپکاوی په کلکه غندي او د بیان د ازادۍ په پلمه د دغه ډول اعمالو تکرار د منلو وړ او د توجیه وړ نه دی. سویډن باید دا ډول منافقت او د تاوتریخوالی ترویج ته د پای ټکی کیږدي، کوم چې ژورې پایلې لري.
امیر عبداللهیان زیاته کړه: په داسې حال کې چې سویډن د بشری حقونو په برخه کې مخکښ هیواد دی، څنګه کولای شی چې د بشری حقوقو د شورا د پریکړه لیک له تصویب وروسته له لسو ورځو څخه په کمه موده کې د مذهبی مقدساتو د سپکاوی په غندلو سره له پامه وغورځوی؟
د ایران د بهرنیو چارو وزیر بیا هم د هغه کس د نیولو، محاکمې او سزا غوښتنه کړې چې څو اونۍ وړاندې یې په سویډن کې قران کریم سوځولی و.
په همدې حال کې د سویډن لومړي وزیر او د بهرنیو چارو وزارت په رسمي اعلامیه کې په ښکاره ویلي چې دا اقدام د سویډن د حکومت دریځ نه دی.
د سویډن پولیس د غونډو لپاره اجازه ورکوي او په سویډن کې یو چا ته د مسلمانانو د قرآن د سپکاوي اجازه نه ده ورکړل شوې، خو دغه کس دا ناوړه ګټه پورته کړې او موږ یې غندو.
