دید خبری آژانس: د قرغزستان ولسمشر د منځنۍ آسیا او فارس خلیج د همکارۍ په غونډه کې وویل چې د افغانستان وضعیت ځانګړې اندېښنې راپاروي.
په جده کې د منځنۍ آسیا او فارس خلیج د همکارۍ شورا د لومړۍ غونډې پر مهال د قرغزستان ولسمشر صدیر جباروف وویل چې د افغانستان وضعیت ځانګړې اندېښنې راپاروي.
جباروف وویل: موږ په دې باور یو چې نړیواله ټولنه باید افغانستان او د هغه ځوریدلي خلک په انزوا کې پریږدي.
هغه د افغانستان له خلکو سره د بشري مرستو د دوام غوښتنه وکړه او زیاته یې کړه چې د افغانستان د اقتصاد د بیارغونې لپاره باید د پروژو ملاتړ وشي.
د قرغزستان مشر همدارنګ څرګنده کړه: مونږ د فلسطین، یمن، سوریې، سوډان او اوکرایین حالات په اندېښمنونکې توګه څارو او هیله لرو چې په دغو هېوادونو کښې به هر څومره ژر چې کیدونکې شخړې حل شی.
د هغه په وينا، د قرغزستان جمهوريت په ټينګه باور لري، چې هر ډول شخړه بايد يوازې د سياسي او ډيپلوماتيکو لارو د خبرو اترو مېز ته او د نړيوالو منل شويو اصولو او نړيوالو قوانينو پر بنسټ حل شي.
