د نجات ملي مقاومت شورا له ترکيې څخه د افغان مهاجرو د اخراج په اړه د بيا غور غوښتنه وکړه
ډید خبري اژانس: د افغانستان د ژغورنې ملي مقاومت شورا د ترکیې له خوا د کډوالو د ایستلو د پرېکړې په غبرګون کې له انقرې غوښتي چې د افغان کډوالو د اخراج په اړه دې پر خپلې پرېکړې له سره غور وکړي.
د ژغورنې ملي مقاومت شورا د یوې اعلامیې په خپرولو سره د ترکیې له حکومته غوښتي چې د افغانستان وضعیت ته په کتو دې له افغاني اسنادو پرته د کډوالو پر ایستلو له سره غور وکړي.
دغې شورا په خپله اعلاميه کې ليکلي: افغان کډوالو په هېواد کې د روان کړکېچن حالت او د طا-لبانو له ظلم، شکنجې او هدفي وژنو څخه د خلاصون له امله د ترکيې په ګډون نورو هېوادونو ته پناه وړې ده.
د مقاومت ملي شورا د افغانستان د اتباعو د څپې د زیاتوالي لامل د طا-لبانو بیا تسلط وباله او زیاته یې کړه: طا-لبانو ډلې ته د هیواد په سپارلو سره له افغانستان څخه د مهاجرت څپې یو ځل بیا په بې ساري ډول زیاتې شوې. او له دې سره سره په افغانستان کې د طا-لبانو له واکمنۍ سره بېکاري او بې وزلي زیاته شوه او پخواني امنیتي ځواکونه او د دولتي ادارو کارکوونکي، مدني فعالان او ښځې هم له جدي ګواښونو سره مخ شوې.
دغې شورا د ترکیې له حکومته وغوښتل چې د افغان کډوالو د ایستلو په اړه دې له سره غور وکړي.
د اعلامیې په یوه برخه کې لیکل شوي: د افغانستان د ژغورنې لپاره د مقاومت ملي شورا د خپلو چارو په اړه د دولتونو او هېوادونو د پرېکړو او کړنو ته د درناوي په ترڅ کې د ترکیې له حکومت څخه هیله کوي، چې د افغانستان د سل کلن دوست په توګه پاتې شي. په دې سختو ورځو کې هم له دوی سره مرسته وکړي، له افغان ولس سره خپلې همکارۍ ته دوام ورکړي، د هغو افغان کډوالو په شړلو کې یې زغم او انعطاف ښودلی، چې په راستنېدو کې یې یو ځل د شکنجې، ګواښونو، تهدیدونو، زندان او مرګ خطرونه وي. یو ځل بیا د دوو هیوادونو او دوه وروڼو هیوادونو دوستي د پخوا په پرتله لا پیاوړې کړه.
باید وویل شي، چې ترکیې په دې وروستیو کې سلګونه افغان کډوال له دغه هېواده ایستلي او اندېښنې یې راپارولي دي.
