دید خبري آژانس: ملګري ملتونه وايي، د دغه سازمان د پراخو مرستو په پایله کې د هغو افغانانو شمېر چې کافي خواړه نه لري، له ۱۵ میلیونو څخه اوښتی دی.
د خوړو نړیوال پروګرام وايي، د افغانستان له خلکو سره د پراخو مرستو په پایله کې په دغه هېواد کې د هغو کسانو شمېر چې کافي خواړه نه لري، په ژمي کې له ۲۰ میلیونو کسانو څخه د ۲۰۲۳ کال په مې میاشت کې ۱۵ میلیونو ته راټیټ شوی دی.
خو د ملګرو ملتونو دغې ادارې په دې وروستیو کې په یوه ټویټ کې ویلي، چې باید دا یقیني شي، چې د خوړو نړیوال پروګرام او د هغې د شریکانو په دوامداره مرستو سره به په افغانستان کې میلیونونه زیانمنونکي خلک د مرستو پر سر پاتې نه شي.
د ملګرو ملتونو د معلوماتو له مخې په افغانستان کې شاوخوا ۲۹ میلیونه وګړي بشري مرستو ته اړتیا لري.
بايد يادونه وسي چې له افغانستان څخه د لويديځ تر وتلو وروسته ملګرو ملتونو په تېرو دوو کلونو کې له افغانانو سره د مرستې لپاره پراخ پروګرامونه په لاره واچول، خو اوس د بوديجې له کمښت سره مخ دي.
