دید خبری آژانس: رسنیو په عین حال کې اوکراین ته د سی ای اې د مشر ویلیام برنز د پټ سفر خبر ورکړی دی چې د روسیې دپوځیانو پرضد د اوکراین د پوځی حملې په حال کښې دی.
دا خبره واشنګټن پوسټ تېره شپه د سرچینو په حواله کړې ده.
د دغه رپوټ له مخې، ویلیام برنز د دغه سفر په لړ کښې د اوکراین له ولسمشر ولادیمیر زیلینسکي او د دغه هېواد له استخباراتي چارواکو سره وکتل او خبرې اترې یې وکړې.
د معلوماتو له مخې، اوکراین ته د سي آی اې د مشر سفر د جون په میاشت کې شوی، خو کره نېټه یې نه ده معلومه.
برنز په دې سفر او له اوکرایني چارواکو سره د کتنې پر مهال د روسیې پر وړاندې په جګړه کې د بریالیتوب لپاره د معلوماتو پر تبادلې ټینګار کړی دی.
خو د امریکا د وسله والو ځواکونو لوی درستیز مارک میلي پرون په واشنګټن کې په یوه خبري غونډه کې وویل چې د اوکراین پر ضد د جګړې په ډګر کې په پرله پسې توګه پرمختګ کوي خو له سختو ستونزو سره مخ دي.
دغه امریکايي پوځي چارواکي زیاته کړه: «د کاغذ پر مخ جګړه له اصلي جګړې سره ډېر توپیر لري. په ریښتینې جګړه کې، ریښتیني خلک په لومړۍ کرښه کې وي او دوی مري».
