ډید خبري اژانس: د افغانستان لپاره د امریکا ځانګړي استازي له خپل ازبک سیال عبدالعزیز کاملوف سره د لیدنې خبر ورکړ.
د افغانستان په چارو کې د امریکا ځانګړي استازي توماس ویست په دې وروستیو کې په یوه ټویټ کې ویلي چې امریکا د افغانستان په تړاو د ازبکستان د ونډې ستاینه کوي.
ویست لیکي: ازبکستان د افغان ډیپلوماسۍ په برخه کې او د افغانانو د ملاتړ په برخه کې مهم او فعال رول لوبوي.
د امریکا د بهرنیو چارو وزارت هم د دې غونډې په اړه ویلي چې ویست او کاملوف د سیمې د سوکالۍ او امنیت په برخه کې د ګډو ګټو په اړه د نظر تبادله وکړه.
