شمال ته د TTP د اورپکو د انتقال ادعا؛ سیاستوالو د ملګرو ملتونو د پاملرنې غوښتنه وکړه
دید خبری اژانس: د هیواد شمال ته د پاکستانی طالب وسله والو د استولو له خبرونو وروسته د دغه هیواد د فعالانو او سیاستوالو یوې ډلې د ملګرو ملتو سرمنشی ته په یوه لیک کښې دغې ستونزې ته د پاملرنې او لاس وهنې غوښتنه وکړه.
راپورونه وايي، چې د افغانستان په ځینو برخو په ځانګړې توګه په شمالي او شمال ختیځو ولایتونو کې د تحریک طا-لبان پاکستان د غړو خوځښتونه روان دي.
په همدې حال کې د سیاسي او فرهنګي فعالانو یوې ډلې د ملګرو ملتونو سرمنشي انتونیو ګوترش ته یو شپږ ماده ییز لیک استولی چې په کې له شمالي او شمال ختیځو ولایتونو څخه د پاکستان د تحریک طا-لبان د غړو د انتقال په اړه د راپورونو او اندېښنو د لرې کولو غوښتنه شوې ده.
په دغه ليک کې، چې په افغانستان کې د ترکانو د ټولنې له خوا توزيع شوى او په ټولنيزو شبکو کې د هېواد د يو شمېر ازبک او ترکمن سياسي او فرهنګي فعالانو له پراخ غبرګون سره مخ شوى، له ملګرو ملتونو غوښتل شوي چې له حکومت سره خبرې وکړي. د پاکستان او افغان طالبانو دا خبره خلکو ته څرګنده کړه.
د يادونې وړ ده، چې طا-لبانو د پاکستان له حکومت سره د هوکړې په ترڅ کې پرېکړه کړې، چې د ډيورنډ کرښې د هغې غاړې اوسېدونکي د هېواد شمال او شمال ختيځ ته ولېږدوي. دې کار د منځنۍ اسیا د هېوادونو اندېښنې هم راپارولې دي.
