امنیت او حوادثخبرنړۍ
په ایټالیا کې د ګرانیو ضد لاریونونو کې ۳۷۰ کسان نیول شوي
د دید خبري اژانس: د ایټالیا پولیسو تر دې دمه د هیواد په مختلفو ښارونو کې د ګرانیو ضد لاریونونو په ترڅ کې لږترلږه ۳۷۰ لاریون کونکي نیولي دي. د نیول شویو کسانو په منځ کې ۱۱۰ تنه تر قانوني عمر تیټ او ۶۹ تنه بهرني اتباع دي.
دا لاریونونه د روم، تورینو، میلان، فلورانس او بولونیا او څو نورو سیمو کې ترسره شوي. په یو شمیر ښارونو کې د پولیسو او لاریون کونکو ترمنځ نښتې شوي دي.
د بیو لوړیدل، انفلاسیون، د ژوند د لګښتونو لوړیدل او د حکومت پالیسیو د ایټالیا په مختلفو ښارونو کې په زرګونو لاریون کونکي سړکونو ته راووتل.
دا لاریونونه په ورته وخت کې ترسره شوي چې په اروپا کې د ټولنیزې نارضایتۍ څپې خپرې شوې دي. د شنه براعظم مختلف هیوادونه، په ځانګړي توګه فرانسه، په تیره اونۍ کې د پراخو لاریونونو ډګر وو.