امنیت او حوادثخبرسیمه
پاکستان د یو عسکر او ۱۲ وسله والو د وژل کېدو خبر ورکوي
د دید خبري اژانس: د پاکستان د پوځ د عامه اړیکو څانګې اعلان وکړ چې ۱۲ وسله وال، د افغان طالبانو ځواکونه او یو پاکستانی عسکر وروسته له هغه ووژل شول چې د اورپکو یوې ډلې له افغانستان څخه د پاکستان د کرم سیمې ته د اوښتو هڅه وکړه.
د پاکستان د پوځ په وینا، د افغان طالبانو ځواکونو د دې خلکو د تګ راتګ د اسانتیا لپاره پر پاکستاني ځواکونو ډزې وکړې، او د دواړو خواوو ترمنځ وسله واله نښته وشوه.
د پاکستان پوځ یو ځل بیا د افغان طالبانو حکومت په دې تورن کړ چې د افغانستان په خاوره کې د وسله والو ډلو د فعالیتونو په مخنیوي کې پاتې راغلی دی.
د پاکستان د پوځ په وینا، د پاتې کسانو د پیژندلو او نیولو یا له منځه وړلو لپاره د سیمې د پاکولو عملیات دوام لري.