افغانستانخبرنشه یي توکي
ملګري ملتونه: په افغانستان کې د تریاک تولید ۹۵ سلنه کم شوی دی
د دید خبري اژانس: د ملګرو ملتونو پراختیایي پروګرام وايي چې د طالبانو لخوا د مخدره توکو په کښت او قاچاق بندیز وروسته په افغانستان کې د تریاک تولید ۹۵ سلنه کم شوی دی.
د ملګرو ملتونو د پراختیایي پروګرام مشر الکساندر ډی کرو د فارن پالیسي سره په یوه مرکه کې وویل چې په افغانستان کې د تریاک تولید ۹۵ سلنه کم شوی دی.
هغه دا کمښت د طالبانو لپاره یوه مهمه لاسته راوړنه وګڼله او ویې ویل چې دې ډلې په وروستیو کلونو کې د مخدره توکو کښت او قاچاق منع کړی او له سرغړونکو سره یې چلند کړی دی.
په افغانستان کې د تریاک په تولید کې د پام وړ کمښت په داسې حال کې راپور شوی چې هیواد یې د کلونو لپاره په نړۍ کې د تریاک یو له لویو تولیدونکو څخه ګڼل کیده.