د دید خبري اژانس: د طالبانو ویاند ذبیح الله مجاهد په کنړ او هلمند ولایتونو کې د استوګنې سیمو باندې د پاکستان هوايي بریدونه وغندل او ویې ویل چې په دې بریدونو کې لږ تر لږه نهه ملکي وګړي، چې ښځې او ماشومان هم پکې شامل دي، وژل شوي دي.
مجاهد په یوه اعلامیه کې اعلان وکړ چې پاکستاني جنګي الوتکو تېره شپه د کنړ د شلتن ولسوالۍ په “چوګام” سیمه او د هلمند د ګرمسېر ولسوالۍ په “صفار” سیمه کې بریدونه کړي دي.
د طالبانو د ویاند په وینا، د انساني تلفاتو سربیره، دغو بریدونو مادي زیانونه هم اړولي دي او قربانیان یې اکثره ملکي وګړي دي.
دا بریدونه په داسې حال کې شوي دي چې پاکستان ادعا کوي چې د افغانستان په خاوره کې یې هوايي بریدونه د وسله والو ډلو د موقعیتونو او د هیواد په وړاندې د امنیتي ګواښونو په ځواب کې ترسره کیږي. په مقابل کې، طالبانو د پاکستان بریدونه د افغانستان د حاکمیت سرغړونه ګڼلې او ټینګار یې کړی چې د استوګنې سیمو او ملکي وګړو په نښه کول د منلو وړ ندي.
د بریدونو د هدفونو او تلفاتو د نوعیت په اړه د دواړو خواوو ترمنځ اختلاف زیات شوی دی، اسلام آباد د ترهګرو ډلو سره د تړاو لرونکو اشخاصو د وژنې په اړه خبرې کوي، پداسې حال کې چې طالبان د ملکي وګړو د وژنې راپور ورکوي.