د دید خبري اژانس: په نیمروز کې د طالبانو امنیتي چارواکو په زرنج ښار کې د انسانانو د قاچاق وړونکو لخوا کارول شوي درې پټنځایونه کشف او د ۱۱۰ مسافرو د نیولو اعلان کړی دی.
په نیمروز کې د طالبانو د پولیسو د قوماندانۍ ویاند مولوي ګل محمد قدرت وویل چې د زرنج ښار د دریمې امنیتي حوزې او د “معلم اختر” په کلي کې امنیتي ځواکونو درې پټنځایونه پیژندلي او کشف کړي دي چې په غیرقانوني ډول ګاونډیو هیوادونو ته د مسافرو د لیږدولو لپاره کارول کیدل.
د هغه په وینا، د دې عملیاتو په جریان کې، د ۱۱۰ مسافرو مخه ونیول شوه چې په غیرقانوني ډول له افغانستان څخه وتل.
قدرت زیاته کړه چې د دې پیښې په تړاو درې کسان نیول شوي او دوه موټرونه هم نیول شوي دي.
د طالبانو امنیتي چارواکو د بندیانو د هویت او د مسافرو د وروستي منزل په اړه نور جزئیات نه دي ورکړي.