د دید خبري اژانس: د طالبانو د حکومت د جهادي اسنادو او هنري آثارو د ثبت ادارې مشر سعید خوستي په خپل ایکس پاڼه کې د یوې پوسټ په خپرولو سره په کندهار کې د لومړي “جهادي” موزیم د پرانستلو اعلان وکړ.
هغه په خپل ایکس پاڼه کې د دې جهادي موزیم په اړه لیکلي: ځینې وسلې او تجهیزات چې د مستقیمو نښتو په جریان کې له امریکایي سرتیرو څخه نیول شوي، او همدارنګه د مړو لخوا پریښودل شوي آثار او نښې راټولې شوې دي.
خوستي په ټول افغانستان او د هیواد په ټولو ولایتونو کې د فیزیکي “جهادي” هنري آثارو د راټولولو د پروسې د پیل اعلان هم وکړ.