د دید خبري اژانس: د افغانستان د چارو لپاره د روسیې د ولسمشر ځانګړي استازي اعلان وکړ چې د مسکو او کابل ترمنځ د افغانستان څخه د کارګرانو د استخدام په اړه خبرې اترې لا تر اوسه وروستۍ پایلې ته نه دي رسیدلي او دا موضوع لاهم د اړوندو روسي ادارو لخوا تر غور لاندې ده.
د افغانستان د چارو لپاره د روسیې د ولسمشر ځانګړي استازي ضمیر کابلوف اعلان وکړ چې د افغانستان څخه د کارګرانو د استخدام په اړه د مسکو او کابل ترمنځ خبرې اترې لا تر اوسه کومې ځانګړې پایلې ته نه دي رسیدلي.
په روسیه کې د افغان کارګرانو د استخدام د مسلې پیچلتیا ته په اشارې سره، کابلوف وویل چې د دې مسلې څېړنه په عمده توګه د روسیې د کډوالۍ او امنیتي ادارو په واک کې ده.
هغه مخکې له افغانستان څخه روسیې ته د کډوالو د بې کنټروله ننوتلو په اړه خبرداری ورکړی و او د بهرنیو اتباعو د ننوتلو پورې اړوند امنیتي مسلو ته د پاملرنې اړتیا باندې یې ټینګار کړی و.
د روسیې د چارواکي څرګندونې په داسې وخت کې راځي چې د مسکو او کابل ترمنځ د خبرو اترو په چوکاټ کې د افغانستان څخه د کارګرانو د استخدام موضوع تر بحث لاندې ده، مګر د هغې د پلي کولو لپاره د میکانیزم او شرایطو په اړه وروستۍ پریکړه لا تر اوسه نه ده اعلان شوې.