د دید خبري اژانس: د روسیې د بهرنیو چارو وزارت اعلان کړی چې د جرمني لخوا په بن کې د روسیې د قونسلګرۍ او په برلین کې د “روسی کور” د تړلو پریکړه د دواړو هیوادونو ترمنځ د اړیکو د بشپړ ویجاړولو په لور یو بل ګام دی.
وزارت وویل چې برلین دا پریکړه د “جعلي پلمې” لاندې کړې او په قصدي ډول د روسیې او جرمني په اړیکو کې د تاوتریخوالي د زیاتولو په لټه کې دی.
د روسیې د بهرنیو چارو وزارت خبرداری ورکړی چې د جرمني چارواکو کړنې به د مسکو له سخت غبرګون سره مخ شي.