دید خبری آژانس: د قطر د بهرنیو چارو وزیر محمد بن عبدالرحمن د امریکا د بهرنیو چارو له وزیر انتونی بلینکن سره وکتل. ویل شوي، چې د دواړو هېوادونو د بهرنیو چارو وزیرانو د خبرو تمرکز پر افغانستان و.
د قطر د بهرنیو چارو وزیر محمد بن عبدالرحمن د پنجشنبې په ورځ (د اسد ۱۳مه) په یوه ټویټ کې له خپل امریکايي سیال سره د لیدنې په اړه اعلان وکړ او ویې ویل چې دا لیدنه د کمبودیا د غونډې په څنډه کې شوې ده.
که څه هم د قطر د بهرنیو چارو وزیر د دې ناستې په اړه نور جزئیات ورنه کړل، خو ویې ویل چې په دې ناسته کې د ایران د اټمي پروګرام پر وروستیو پرمختګونو او د افغانستان پر وضعیت خبرې وشوې.
دا غونډه وروسته له هغه جوړه شوه چې په کابل کې د امریکا د بې پیلوټه الوتکې په برید کې د القاعدې مشر ووژل شو. قطر تر اوسه د دغه برید په اړه غبرګون نه دی ښودلی.
