د دید خبري اژانس: د افغانستان د بانکونو ټولنه وايي چې د هیواد په بانکونو کې د خلکو سپما په تیر کال کې زیاته شوې او اوس نږدې درې ملیارده ډالرو ته رسیدلې ده.
د افغانستان د بانکونو د ټولنې مشر د سپما د حجم زیاتوالی د بانکي سیسټم په اړه د خلکو د باور د زیاتوالي نښه بللې ده.
د افغانستان مرکزي بانک هم اعلان کړی چې د بانکونو فعالیتونه او خدمات څاري او د بانکي خدماتو کیفیت ښه کولو لپاره کار کوي.
په ورته وخت کې، اقتصادي کارپوهان وايي چې په بانکونو باندې د خلکو د باور زیاتول د معیاري خدماتو چمتو کولو، د بانکي پروسیجرونو ساده کولو او د پانګونې لپاره د ډیرو فرصتونو رامینځته کولو ته اړتیا لري.
دوی باور لري چې د بانکي سیسټم پیاوړتیا کولی شي د خلکو د زیرمو زیاتوالي او د هیواد په اقتصاد کې د پانګې د زیات جریان لپاره لاره هواره کړي.