د دید خبري اژانس: د طالبانو حکومت اعلان کړی چې په تیرو دوو کلونو کې ۸۱ سوداګر او صنعتکاران افغانستان ته راستانه شوي او د ۶۸ ملیون ډالرو پانګونې سره یې له ۴۶۰۰ څخه زیاتو خلکو ته مستقیم کار برابر کړی دی.
د طالبانو د حکومت مرستیال ویاند حمدالله فطرت وویل چې له ۱۴۴۶ هجري قمري کال راهیسې ۸۱ سوداګر او صنعتکاران افغانستان ته راستانه شوي دي.
د هغه په وینا، د دې خلکو په منځ کې، یو په لوړه کچه، ۷۴ په منځنۍ کچه او ۱۴ په ټیټه کچه دي. فطرت زیاته کړه چې د دوی د اقتصادي فعالیتونو د ملاتړ لپاره په صنعتي پارکونو کې ۲۸۸ جریبه ځمکه ویشل شوې ده.
هغه دا هم وویل چې راستانه شوي سوداګر او صنعتکاران تر اوسه پورې په ټولیزه توګه ۶۸ ملیون ډالر پانګونه کړې ده، او دې پانګونې ۴۶۶۱ کسانو ته مستقیم کار برابر کړی دی.