د دید خبري اژانس: د سوریې د بهرنیو چارو وزیر اسعد حسن الشیباني ټاکل شوې ده چې نن چهارشنبه، اسلام آباد ته سفر وکړي، چې په نږدې دوو لسیزو کې پاکستان ته خپل لومړی سفر دی.
د راپورونو له مخې، الشیباني به د خپل دوه ورځني سفر په جریان کې د پاکستان د مرستیال لومړي وزیر او بهرنیو چارو وزیر اسحاق ډار او لومړي وزیر شهباز شریف سره وګوري.
دا سفر په داسې حال کې کیږي چې سوریه هڅه کوي د ۲۰۲۴ کال په دسمبر کې د بشارالاسد د رژیم له نسکوریدو وروسته د سیمې له هیوادونو سره خپلې ډیپلوماټیکې، سیاسي او اقتصادي اړیکې بیا جوړې کړي.
پاکستان دا سفر د سوریې سره د خپلو تاریخي اړیکو د پیاوړتیا لپاره د یو فرصت په توګه هم ګوري، چې په سیاسي، دفاعي او تعلیمي برخو کې اوږده تاریخ لري.