د دید خبري اژانس: د هند په آسام ایالت کې د موسمي درنو بارانونو او د برهماپوترا سیند د اوبو د بهېدو له امله لسګونه کسان زیانمن شوي او سلګونه زره خلک یې له خپلو کورونو وتلو ته اړ کړي دي. سیمه ییز چارواکي وايي چې نږدې ۹۰۰ کلي ډوب شوي او په لنډمهاله کمپونو کې د مرستو عملیات روان دي.
د هند په آسام کې مرګوني سیلابونه؛ ۵۰ کسان مړه او ۷۰۰،۰۰۰ بې کوره شوي
په شمال ختیځ هند کې د موسمي درنو بارانونو په آسام ایالت کې پراخ سیلابونه رامینځته کړي دي، او د ځایي چارواکو په وینا، تر اوسه پورې لږترلږه ۵۰ کسان مړه شوي او شاوخوا ۷۰۰،۰۰۰ خلک بې کوره شوي دي.
د اسوشیټیډ پرس په وینا، د برهماپوترا سیند د اوبو بهېدو په ایالت کې سلګونه کلي ډوب کړي او زرګونه کورنۍ یې له خپلو کورونو وتلو ته اړ کړي دي.
ځایي چارواکو ویلي چې نږدې ۹۰۰ کلي ډوب شوي او له ۷۰۰۰ څخه ډیر کورونه له بریښنا پرته دي.
د آسام اعلی وزیر هیمانتا بیسوا سرما وویل چې سلګونه زره خلک لنډمهاله کمپونو ته لیږدول شوي او د ژغورنې ټیمونه لاهم د ټپیانو په ایستلو او د مرستې توکو ویشلو کار کوي.