ډید خبري اژانس: د تاجیکستان ولسمشر د قرغزستان په چلپون ښار کې د منځنۍ اسیا د هېوادونو د مشرانو په غونډه کې وویل چې د افغانستان وضعیت به نور هم خراب شي.
د «اکي پرس» د راپور له مخې، د تاجیکستان ولسمشر امام علي رحمان نن د منځنۍ اسيا د هېوادونو د مشرانو په څلورمه مشورتي غونډه کې يادونه وکړه چې د افغانستان وضعيت به نور هم خراب شي.
د تاجیکستان ولسمشر وايي، په افغانستان کې تحولات به نه یوازې پر منځنۍ اسیا منفي اغېز وکړي، بلکې د یوروشیا په وچه کې د جیوپولیټیک توازن او ځواکونو د بدلون لامل کېدای شي.
د هغه په وينا، له هغه وخته چې طا-لبان په افغانستان کې واک ته ورسېدل، د طا-لبانو چارواکو د خپل واک د مشروعيت، د دغه هېواد د وضعيت د کنټرول او د ډاډ وړتيا په اړه د نړيوالې ټولنې او د افغانستان خلکو ته د قناعت ورکولو لپاره هېڅ اقدام نه دى کړى. د اتباعو امنیت، او ټولنیز مسایل او دوی نشي کولی د مخ پر ودې اقتصاد حل کړي.
رحمان زیاته کړه: برعکس، له ژمنو او تضمینونو سره سره، طا-لبان د ټولو سیاسي او قومي قوتونو په پراخ ګډون سره د حکومت د جوړولو مخالف دي.
د ده په اند، د طا-لبانو موقت حکومت د دې توان نه لري، چې ستونزې هوارې کړي او هېواد په خپل اوسني شکل چل کړي.
د تاجیکستان ولسمشر څرګنده کړه: په عین حال کښې طا-لبانو د مختلفو توکمونو په وړاندې تبعیضي یرغل پالیسي غوره کړې ده او سخت مذهبي اقدامات تعقیبوي.
