د دید خبري اژانس: د مخابراتو او معلوماتي ټکنالوژۍ وزارت اعلان وکړ چې په وروستیو میاشتو کې شاوخوا ۱.۷ میلیونه افغان کډوالو ته چې هېواد ته راستانه شوي دي، وړیا سیم کارتونه د زنګ وهلو او انټرنیټ کڅوړو سره ویشل شوي دي.
هېواد ته راستانه شویو ۱.۷ میلیونه افغان کډوالو ته وړیا سیم کارتونه وویشل شول
د مخابراتو او معلوماتي ټکنالوژۍ وزارت اعلان وکړ چې په وروستیو میاشتو کې شاوخوا ۱.۷ میلیونه افغان کډوالو ته چې هېواد ته راستانه شوي دي، وړیا سیم کارتونه ویشل شول.
وزارت پرون یوه اعلامیه خپره کړه چې راستانه شویو ته ویشل شوي سیم کارتونه د وړیا زنګ وهلو او انټرنیټ کڅوړو سره ورکړل شوي دي ترڅو دوی وکولی شي له خپلو کورنیو، خدماتو چمتو کونکو او اړوندو مرکزونو سره خپل تماس وساتي.
د مخابراتو وزارت چارواکو وویل چې د دې پروګرام د پلي کولو هدف د مخابراتي خدماتو ته د راستنیدونکو لاسرسی اسانه کول او د دوی د راستنیدو په لومړیو ورځو کې د مخابراتي ستونزو کمول دي.
د ورکړل شویو راپورونو له مخې، د سیم کارتونو د وېش او راستنیدونکو کډوالو ته د مخابراتي خدماتو وړاندې کولو پروسه دوام لري، او وزارت د دې پلان په پلي کولو کې د مخابراتي شرکتونو د همکارۍ اعلان کړی دی.