د دید خبري اژانس: په لوګزامبورګ کې د اروپايي ټولنې د بهرنیو چارو وزیرانو د غونډې په درشل کې، د فرانسې او سویډن په ګډون اوه غړو هېوادونو د اسراییلو رژیم پر وړاندې د اروپايي ټولنې د بندیزونو غوښتنه کړې ده.
د “EUobserver” د راپور له مخې، فرانسه او سویډن، د اروپايي ټولنې د پنځو نورو هېوادونو سره یوځای، هڅه کوي چې د اسراییلو پر وړاندې بندیزونه ولګوي. د سویډن لخوا د وزیرانو د غونډې لپاره چمتو شوی یو مسوده لیک، چې د اسراییلو د میشت ځایونو د محصولاتو د واردولو بندیز وړاندیز کوي.
ټاکل شوې ده چې دا موضوع د اپریل په ۲۱مه په لوګزامبورګ کې د اروپايي ټولنې د بهرنیو چارو وزیرانو په غونډه کې بحث شي.
د اروپايي ټولنې شورا په تیرو دوو کلونو کې د اسراییلو پر وړاندې د اقتصادي بندیزونو د لګولو په اړه په مکرر ډول بحث کړی، خو تر اوسه پورې د ټولو غړو لخوا د موافقې وړ پریکړې ته رسیدو کې پاتې راغلی دی.
دا اقدام په داسې حال کې کیږي چې د اروپايي ټولنې د غړو هېوادونو ترمنځ د اسراییلو رژیم سره د چلند په اړه اختلافات دوام لري. اسپانیا هم په دې وروستیو کې له اروپايي ټولنې څخه غوښتي چې پر اسراییلو بندیزونه ولګوي.