د دید خبري اژانس: د ځینو رسنیو د راپورونو له مخې، د روان کال په لومړۍ درېو میاشتو کې له روسیې څخه د افغانستان د تېلو واردات ۵۰ سلنه زیات شوي دي.
د روان کال د جنوري او مارچ ترمنځ د روسیې څخه د افغانستان د تېلو واردات د پام وړ زیات شوي، چې ۵۰ سلنه وده یې ثبت کړې ده.
دا رجحان په داسې حال کې رامینځته شوی چې د مرکزي آسیا هیوادونو هم په ورته ډول له روسیې او بلاروس څخه خپل واردات زیات کړي دي، چې په سیمه کې د انرژۍ سوداګرۍ په بڼه کې بدلون په ګوته کوي.
رویټرز د دې زیاتوالي اصلي دلیل د روسیې دودیزو بازارونو ته د صادراتو کمښت، په ځانګړې توګه اروپا او تر یوې اندازې پورې منځني ختیځ ته یاد کړی دی.
د دې بدلون وروسته، مسکو هڅه کړې چې د افغانستان او مرکزي آسیا هیوادونو په ګډون په بدیل بازارونو تمرکز کولو سره د تقاضا د کمښت ځینې برخې جبران کړي.
د راپور له مخې، دغو هیوادونو ته د روسیې د تیلو صادراتو لویه برخه د ریل پټلۍ له لارې ترسره کیږي؛ یوه لاره چې د ټیټ لګښت او اسانه لاسرسي له امله په سیمه کې د انرژۍ د لیږد یو له اصلي لارو څخه ګرځیدلی.
احصایې ښیي چې د روان کال په لومړۍ درېو میاشتو کې افغانستان او مرکزي آسیا هیوادونو ته د روسیې د تیلو ټول صادرات شاوخوا ۳.۳۴۷ ملیون ټنو ته رسیدلي دي.