د دید خبري اژانس: د قزاقستان د صنعت او ساختماني چارو مرستیال وزیر اعلان وکړ چې ملي شرکت “تاو-کن سامروک” د افغانستان او روانډا څخه د معدني نمونو په اړه لابراتواري مطالعات ترسره کوي.
قزاقستان احتمال لري چې له افغانستان څخه نادره فلزات استخراج پیل کړي
د قزاقستان د صنعت او ساختماني چارو مرستیال وزیر ایران شیرخان د ” مرکزي آسیا د جیو ساینس او اکتشاف ۲۰۲۶” کنفرانس په څنډه کې وویل چې دواړه هیوادونه د معدني سرچینو په برخه کې د پام وړ ظرفیت لري. د هغه په وینا، اوسنی تمرکز د قانوني او تنظیمي چوکاټونو بیاکتنه، او همدارنګه د جیولوژیکي ظرفیت تایید کول دي.
د قزاقستان د رسنیو په حواله، هغه زیاته کړه چې د دې هیوادونو څخه د معدني نمونو راټول شوي او اوس مهال په دوی باندې ځانګړي ازموینې ترسره کیږي. پدې ازموینو کې اساس فلزات، نادره فلزات او نادره ځمکني عناصر شامل دي.
د شیرخان په وینا، ازموینې د “تاو-کن سامروک” شرکت په تاسیساتو او همدارنګه د قزاقستان د قراغندي سیمې په لابراتوارونو کې ترسره کیږي.
هغه ټینګار وکړ چې که جیولوژیکي وړتیا تایید شي، نو په راتلونکي کې به د ممکنه پروژو په اړه نور دقیق معلومات او توضیحات خپاره شي.