د هندوانو پر یوه معبد برید؛ ملګرو ملتونو په افغانستان کې د ټولو اقلیتونو د ملاتړ غوښتنه وکړه
د دید خبری اژانس: په افغانستان کې د هندوانو پر معبد باندې د نن ورځې تروریستي برید په غبرګون کې یوناما په افغانستان کې د ټولو اقلیتونو د ملاتړ غوښتنه وکړه.
په افغانستان کې د ملګرو ملتونو مرستندویه پلاوي (یوناما) د شنبې په ورځ (د غبرگولی په ۲۸ مه) د کارته پروان په سیمه کې د هندوانو پر یوه معبد باندې د ترهګریز برید په غبرګون کې وویل چې دغه برید د درنې مرګ ژوبلې د راپور له مخې درلوده.
یوناما په کابل کې د سیکانو پر معبد باندې د نن ورځې برید په کلکه غندي چې د راپورونو له مخې په پایله کې یې درنه مرګ ژوبله اوښتې ده.
یوناما زیاته کړه: «پر ملکي وګړو بریدونه باید سمدستي ودرول شي. یوناما په افغانستان کې د سیکانو، هزاره ګانو او صوفیانو په ګډون د ټولو اقلیتونو د ملاتړ غوښتنه کوي».
د طا-لبانو امنیتي چارواکي وايي، د هندوانو پر یوه معبد په برید کې دوه تنه وژل شوي او اووه نور ټپیان شوي دي.
