ریچارډ بنټ:
ما د بشري حقونو له اروپايي کمیټې سره د افغان ښځو د حقونو په اړه خبرې وکړې
د دید خبری آژانس د خبر له مخې د ملګرو ملتونو د بشري حقونو رپورټر ریچارډ بنټ په افغانستان کې د ښځو، لږکیو د حقونو او د قانون د حاکمیت په اړه د اروپايي کمېسیون د بشري حقونو له کمېټې سره د خپلو خبرو په اړه راپور ورکړی.
د ملګرو ملتونو د بشري حقونو راپور ورکوونکي د شنبې په ورځ (د غبرگولی په ۲۸ مه) ټویټ وکړ چې افغانستان ته یې د خپل سفر په ترڅ کې وروستي نظرونه شریک کړل.
بنټ په یوه بل ټویټ کې لیکلي چې د بلجیم د ولسي جرګې د بهرنیو چارو د کمیټې غړو هم په افغانستان کې د بشري حقونو په ځانګړې توګه د ښځو پر حقونو خبرې وکړې.
هغه په دې وروستیو کې افغانستان ته سفر کړی و.
بنټ د خپل سفر په پای کې وویل چې افغانستان د بشري حقونو له جدي ننګونو سره مخ دی.
نوموړي په یوه بیان کې ویلي، چې د طا-لبانو د کړنو ډېری تګلارې او انګیزې په پراخه کچه بشري حقونه اغېزمن کوي او د وېرې تر حاکمیت لاندې ټولنه رامنځته کوي.
