د دید خبری آژانس: د افغانستان لپاره د پوتین د ځانګړی استازی ضمیر کابلوف له څرګندونو وروسته، د روسیې له خوا د طا-لبانو په رسمیت پیژندلو د احتمال په اړه، د پوتین ویاند دیمیتری پیسکوف وویل، چې دا ډول احتمال د پوښتنې وړ نه دی.
د سپوتنیک د رپوت له مخی، د روسیې د ولسمشر ویاند دیمیتري پیسکوف هم د طا-لبانو د پېژندلو په اړه وړاندوینه بې ګټې وبلله.
پیسکوف یوې خبري غونډې ته وویل، «دا مهال د طا-لبانو په رسمیت پېژندلو خبرې نشته. «ډیری مسایل شتون لري او هیڅ وړاندوینه بې ګټې ده.»
ضمیر کابلوف په دې وروستیو کې روسي رسنیو ته ویلي و، چې مسکو ښايي د طا-لبانو موقت حکومت په رسمیت وپېژني او په دې پرېکړه کې به د امریکا او نورو هېوادونو پیروی نه کوي.
خو د طا-لبانو له خوا د کابل د واک تر لاسه کولو لس میاشتې زیاتې شوې، خو تر اوسه هیڅ هیواد دغه ډله په رسمیت نه ده پېژندلې.
