د دید خبري اژانس: په روسیه کې د طالبانو د حکومت سفیر ګل حسن اعلان وکړ چې کابل غواړي د شانګهای همکارۍ سازمان کې خپل فعال حضور بیا پیل کړي؛ یوه مسله چې د هغه په وینا د مسکو او بیجینګ په ملاتړ او د سازمان د ډیری غړو هیوادونو په همکارۍ تعقیب کیږي.
د روسیې د تاس خبري اژانس سره په یوه مرکه کې، ګل حسن وویل چې افغانستان اوس مهال د شانګهای همکارۍ سازمان کې د “څارونکي” دریځ لري او کابل دا مناسب ګڼي چې د دې سازمان په چوکاټ کې خپل فعالیتونه بیا پیل کړي.
د دې پوښتنې په ځواب کې چې ایا کابل د شانګهای همکارۍ سازمان سره د همکارۍ بیا پیل کولو امکان لري، ګل حسن وویل: “هو، افغانستان د شانګهای همکارۍ سازمان کې یو څارونکی هیواد دی او د دې دریځ پر بنسټ، باید د دې سازمان په غونډو کې برخه واخلي.”
د هغه په وینا، د مسکو او بیجینګ په هڅو سره، د سازمان ډیری غړي هیوادونه “دې پایلې ته رسیدلي دي چې د شانګهای همکارۍ سازمان په فعالیتونو کې د افغانستان د فعال ګډون بیا رغونه یو عملي او منطقي ګام دی.”
هغه په پاي کې زیاته کړه: “موږ دا هم هیله لرو چې افغانستان به د دې سازمان په راتلونکو غونډو کې برخه واخلي.”