د ملي دفاع وزارت ویاند وټاکل شو

د افغانستان اسلامي امارت د ملي دفاع وزارت سرپرست وزیر د لارښوونې سره سم، د چارو ښه پر مخ وړلو په موخه، قاري لطف الله حبیبي د ستراتیژیکو اړیکو او عامه چارو ریاست د رییس او ویاند په توګه وګمارل شو او په دنده یې پیل وکړ.

د افغانستان اسلامي امارت د ملي دفاع وزارت مشرتابه د بیان ازادۍ، اطلاعاتو ته د لاس رسي اصل او د هېواد ټولو ځورېدلو وګړو ته د حقایقو په خپرولو کې له ټولو ملي او بین المللي رسنیو سره همکار دی.
د ملي دفاع وزارت د ستراتیژیکو اړیکو ریاست ټولو ملي او بین المللي رسنیو ته خبر ورکوي، چې د یاد وزارت ویب سایټ، ټولنیزې شبکې او واټساپ ګروپ بیا ځلې فعال شوي دي، رسنۍ کولی شي چې له دې اطلاعاتي چینلونو څخه ټولې خبرپانې او اطلاعات تر لاسه کړي.