د ملګرو ملتونو د خوړو مرستې بندیدل؛شل میلیونه افغانان د لوږې د کړکېچ له ګواښ سره مخ دي

د دید خبري اژانس: ملګرو ملتونو اعلان کړی چې د لومړي ځل لپاره به افغانستان ته د خوراکي توکو لیږل ودروي.

د ملګرو ملتونو د بشري مرستو مشر ټام فلچر اعلان وکړ چې د بودیجې د پراخ کمښت له امله به په راتلونکي ژمي کې د سازمان لخوا افغانستان ته د خوراکي توکو مرستې ونه ویشل شي.

د راپورونو له مخې، افغانستان، سره له دې چې په نړۍ کې دوهم تر ټولو اړمن هیواد دی، د نړیوالو مرستو کې د پام وړ کمښت سره مخ شوی دی.

د طالبانو د بیرته راتګ په لومړیو کلونو کې، هر کال شاوخوا ۱۷ میلیونه خلکو ته بشري مرستې ورکول کېدې، خو سږ کال دا شمېره شاوخوا یو ملیون ته راټیټه شوې ده.

ملګرو ملتونو خبرداری ورکړی چې د دې رجحان دوام کولی شي د افغانستان نیمایي نفوس د خوراکي توکو له سخت کمښت سره مخ کړي.