په کابل کې د قرغزستان د سوداګرۍ خونې پرانیستل
د دید خبري اژانس: افغانستان ته د قرغزستان د پلاوي د رسمي سفر په جریان کې، د قرغزستان د سوداګرۍ خونې په رسمي ډول په کابل کې د طالبانو د حکومت د صنعت او سوداګرۍ وزیر نورالدین عزیزي، د قرغزستان د اقتصاد او سوداګرۍ وزیر بکیت صدیق اف او د دواړو هیوادونو د خصوصي سکتورونو د استازو او فعالانو په شتون کې پرانستل شوه.
د صنعت او سوداګرۍ وزارت نن، چهارشنبه (د قوس ٢۶) په یوه مطبوعاتي اعلامیه کې اعلان وکړ چې د دې سوداګریزې خونې پرانیستل د افغانستان او قرغزستان ترمنځ د سوداګرۍ او اقتصادي اړیکو د پیاوړتیا او بنسټیز کولو په لور یو مهم ګام دی او د همکارۍ پراختیا، د سوداګرۍ تبادلې زیاتولو، د دواړو هیوادونو د سوداګرو ترمنځ د اړیکو د اسانتیا او ګډو پانګونو هڅولو لپاره اساس برابروي.
د وزارت په وینا، په کابل کې د قرغزستان د سوداګرۍ خونې جوړول د پخوانیو تفاهمونو پر بنسټ او د قرغزستان جمهوریت ته د طالبانو د حکومتي پلاوي د سفر په پایله کې پلي شو.