د دید خبري اژانس: د طالبانو د حکومت د هوا پېژندنې ادارې د هېواد په ۱۴ ولایتونو کې د واورې او باران احتمال اعلان کړی دی. د دې ادارې د وړاندوینو له مخې، سبا، دوشنبه، د قوس ۲۴مه، د بدخشان، تخار، بغلان، سمنګان، بلخ، دایکندي، ارزګان، زابل، کندهار، سرپل، جوزجان، فاریاب، غور او بادغیس ولایتونه به د باران شاهد وي.
د هوا بدلیدونکي شرایطو ته په اشارې سره، د طالبانو د حکومت د هوا پېژندنې ادارې له خلکو، په ځانګړي ډول د سړو او غرنیو سیمو له اوسیدونکو څخه غوښتي دي چې د واورې او باران له امله د احتمالي زیانونو د مخنیوي لپاره اړین تدابیر ونیسي.