د دید خبري اژانس: د طالبانو د حکومت د ژوندیو موجوداتو د انځورونو د خپرولو د بندیز د حکم په پلي کیدو سره، په پکتیا ولایت کې د ملي تلویزیون ویډیو فعالیت وځنډول شو او سیمه ایزې رسنۍ هم له جدي محدودیتونو سره مخ شوې دي.
د افغان خبریالانو مرکز اعلان وکړ چې د طالبانو حکومت د ژوندیو موجوداتو د انځورونو په خپرولو بندیز اعلانولو وروسته، په پکتیا کې ملي تلویزیون خپل ویډیو فعالیت وځنډاوه او یوازې په راډیو خپرونې کوي. د دې حکم له مخې، د طالبانو د حکومت سیمه ایز چارواکي د ویډیو رسنیو سره د مرکې کولو او راپور ورکولو څخه منع دي او یوازې د آډیو یا لیکلي بڼه د محتوا لیږلو اجازه لري.
دې محدودیت د دولتي باختر خبري اژانس او د “نن، ژوند، هوا، پتن غر او سمکنی غر” په څیر سیمه ایزو رسنیو ویډیو فعالیت هم ګډوډ کړی دی.
د افغان خبریالانو مرکز دا اقدام د رسنیو د آزادۍ سرغړونه ګڼلې او د هغې د سمدستي لغوه کولو غوښتنه یې کړې ده.
دا بندیز یوازې په پکتیا پورې محدود نه دی او په ۲۲ نورو ولایتونو کې هم پلي شوی دی.