د دید خبري اژانس: د تاجکستان جمهوریت یو لوړ پوړی پلاوی چې مشري یې د دغه هیواد د ځانګړي استازي په غاړه وه، کابل ته د رسمي سفر په ترڅ کې د طالبانو د حکومت د بهرنیو چارو سرپرست وزیر امیر خان متقي سره ولیدل او خبرې یې وکړې.
دوشنبه او کابل د اړیکو پر پراختیا ټینګار کوي
د طالبانو د حکومت د بهرنیو چارو وزارت په یوه مطبوعاتي اعلامیه کې اعلان وکړ چې په دې غونډه کې دواړو خواوو د دوه اړخیزو اړیکو د پیاوړتیا، ډیپلوماتیکو تعاملاتو پراخولو او د دواړو هیوادونو ترمنځ د اقتصادي همکارۍ د زیاتولو په اړه په تفصیل سره نظرونه تبادله کړل.
د مطبوعاتي اعلامیې پر بنسټ، د تاجکستان پلاوي د اړیکو د لا پراختیا لپاره د خپل هیواد د ژمنې په ټینګار سره اعلان وکړ چې افغانستان او تاجکستان په مختلفو سکتورونو کې د همکارۍ لپاره د پام وړ ظرفیت لري.
په پای کې، دواړو خواوو د دوه اړخیزو همکاریو د پرمختګ لپاره د خبرو اترو د دوام، د پلاويو د تبادلې او د رسمي لیدنو د زیاتولو پر اهمیت ټینګار وکړ.