د دید خبري اژانس: د طالبانو د حکومت د بهرنیو چارو وزیر امیر خان متقي د مسکو فارمټ مشورتي غونډې وروسته په یوه مطبوعاتي کنفرانس کې اعلان وکړ چې افغانستان د ګواښ پر ځای په سیمه کې د ثبات عامل ګرځیدلی دی.
متقي: د نن افغانستان د ثبات سرچینه ده، نه ګواښ
د متقي په وینا، په غونډه کې ګډون کوونکو هیوادونو د ترهګرۍ او مخدره توکو د قاچاق پر وړاندې د مبارزې په برخه کې د اسلامي امارت د لاسته راوړنو په اړه خوشبیني څرګنده کړې ده.
هغه دا غونډه د سیمه ییزې همکارۍ د پیاوړتیا لپاره یو فرصت وګڼله او ټینګار یې وکړ چې په تیرو څلورو کلونو کې د افغانستان څخه هیڅ یوې پیښې سیمه ییز امنیت ته ګواښ نه دی متوجه کړی.
د طالبانو د حکومت د بهرنیو چارو وزیر زیاته کړه چې داعش ډله او نور ترهګریز سازمانونه په افغانستان کې شتون نلري او د طالبانو حکومت چمتو دی چې د دې ډلو د بشپړ له منځه وړلو لپاره د سیمې له هیوادونو سره همکاري وکړي.
متقي د مسکو فارمټ غونډې ته د طالبانو د حکومت د پلاوي د بلنې او د افغان حکومت په وړاندې د مسکو د مثبت چلند له امله د روسیې څخه هم مننه وکړه.