د ناټو د هوايي دفاع په ماموریت کې د برتانوي جنګي الوتکو الوتنه د پولنډ پر سر
د دید خبري اژانس: د اروپا په فضا کې د روسي بې پیلوټه الوتکو د ننوتلو په اړه د مخ په زیاتیدونکو اندیښنو وروسته، د برتانوي جنګي الوتکو د ناټو د “ختیځ څار” ماموریت د یوې برخې په توګه د لومړي ځل لپاره د پولنډ پر اسمان الوتنه وکړه.
د رویټرز په وینا، د برتانوي هوايي ځواک جنګي الوتکو پرون د ناټو د هوايي دفاع ماموریت د یوې برخې په توګه چې “ختیځ څار” نومیږي د پولنډ پر اسمان الوتنه وکړه. دا د ناټو په دفاعي پلان کې د برتانوي جنګي الوتکو لومړی عملیاتي شتون دی.
دا ماموریت وروسته له هغه ترسره شو چې څو روسي بې پیلوټه الوتکې د روانې میاشتې په پیل کې د پولنډ هوايي ډګر ته ننوتې، چې د ناټو د ختیځو پولو د امنیت په اړه اندیښنې یې زیاتې کړې.
د ناټو پوځي چارواکو اعلان وکړ چې د دې عملیاتو هدف د ډله ایز دفاع پیاوړتیا او د احتمالي روسي ګواښونو په وړاندې د غړو هیوادونو، په ځانګړې توګه په ختیځه اروپا کې، ډاډ ورکول دي.