ناټو: په ۲۰۲۴ کال کې اوکراین ته ۵۰ ملیارد ډالر پوځي مرسته

د دید خبري اژانس: د ناټو غړو هېوادونو په ۲۰۲۴ کال کې اوکراین ته په ټولیزه توګه ۵۰ ملیارد ډالر وسلې او پوځي تجهیزات لیږلي دي. دا شمېره د ناټو د پوځي کمیټې د مشر جوزپ کاوو راګون لخوا اعلان شوه.

راګون دا هم ټینګار وکړ چې د شمالي اتلانتیک اتحاد اراده لري چې په راتلونکي کې د دې پوځي مرستې حجم زیات کړي.

هغه دا هم یادونه وکړه چې اوس مهال د سازمان په اجنډا کې د اوکراین خاورې ته د ناټو د پوځي ځواکونو د مستقیم ځای پرځای کولو لپاره هیڅ بحث یا پلان نشته.

دا اعلان په داسې حال کې وشو چې په اوکراین کې جګړه خپل دریم کال ته ننوتلې او لویدیځ هیوادونه د روسیې د یرغل په وړاندې د کی یف ملاتړ ته دوام ورکوي.