د دید خبري اژانس: څرنګه چې د امریکا او هند اړیکې د سوداګریزو تعرفو له امله له ننګونو سره مخ دي، د امریکا ولسمشر خپل یو نږدې سلاکار په هند کې د امریکا د نوي سفیر په توګه ټاکلی دی.
سپینې ماڼۍ د اقتصادي کړکیچونو په منځ کې په هند کې نوی سفیر وټاکه
د امریکا ولسمشر ډونالډ ټرمپ سرجیو ګور، یو لوړ پوړی مرستیال او نږدې باوري، په هند کې د امریکا د نوي سفیر په توګه نومولی دی.
سرجیو ګور، چې د ټرمپ او جمهوري غوښتونکي ګوند سره د کار اوږد تاریخ لري، د امریکا د سنا لخوا په رسمي توګه تایید وروسته په نوي ډیلي کې خپل کار پیل کړي.
هغه به د سویلي او مرکزي آسیا لپاره د امریکا د ځانګړي استازي په توګه هم دنده ترسره کړي.
دا پریکړه په داسې حال کې کیږي چې د واشنګټن او ډیلي ترمنځ اړیکې په وروستیو اونیو کې د متقابل سوداګریزو تعرفو د لګولو او د اقتصادي کړکیچونو د زیاتیدو له امله خړې پړې شوې دي.