دید خبرې آژانس: د عامې روغتیا وزیر مولوي نور جلال جلالي تورخم عمري کمپ کې له بېلابېلو روغتیايي برخو او خدمتونو څخه نږدې کتنه کړې ده.
د دغه سفر پر مهال د عامې روغتیا وزیر د یاد کمپ د روغتیايي فعالیتونو ارزونه وکړه، له ډاکټرانو، ناروغانو او مسوولینو سره یې خبرې وکړې او د لا ښه خدمت لپاره یې لازمې سپارښتنې وکړې.
نوموړي د روغتیايي خدمتونو د کیفیت د لوړولو، تجهیزاتو، درملو او بشري ځواک ته د پاملرنې ټینګار وکړ او ژمنه یې وکړه، چې وزارت به د یاد کمپ روغتیایي برخو د لا ښه فعال ساتلو لپاره خپلې هڅې ګړندۍ کړي.