دید خبرې آژانس: د کندز ولایت د امر بالمعروف او نهی عن المنکر د شکایتونو د اورېدو ریاست مسوولین وايي چې د دغه ولایت په دشت ارچي ولسوالۍ کې یې ۲۰ ټنه تاریخ تېره درمل او بې کیفیته خوراکي توکي راټول او سوځول شوي دي.
د دشت ارچي ولسوالۍ د محتسبینو امر مولوي عبدالناصر منصور ویلي چې یاد توکي د یو دوامداره کمپاین په ترڅ کې راټول کړل شوي او د مسوولینو په شتون کې وسوځول شول.
نوموړي زیاته کړه، چې د دې کمپاین هدف د خلکو د روغتیا ساتنه او د ناروغیو مخنیوی دی.
هغه همداراز له هټیوالو، سوداګرو او د ولایت له اوسېدونکو وغوښتل، چې د تاریخ تېره او بې کیفیته توکو له پېر او پلور څخه ډډه وکړي.