دید خبرې آژانس: د کندز ولایت ځايي مسوولینو د دغه ولایت د مرکز او ولسوالیو له بېلابېلو سیمو څخه ۲۰ ټنه تاریخ تېره درمل او خوراکي توکي راټول او د مسوولینو په شتون کې وسوځول شول.
سرچینې ویلي چې په دغه ولایت کې د تاریخ تېره درملو او بېکیفیته خوراکي توکو د راټولولو کمپاین دوام لري.
ځايي مسوولینو له ټولو سوداګرو، هټیوالو او عامو ښاریانو څخه وغوښتل چې خپل کاروبار د اسلام مبارک دین په رڼا کې ترسره کړي او د بېکیفیته او تاریخ تېرو خوراکي او غیرخوراکي توکو له پلورلو څخه ډډه وکړي.
