اسلایدشوافغانستانبرگزیدهروستي خبرونهمهم مطالب
امرخېل طالبانو ته: د بیروني مشروعیت لپاره لومړی ګام د داخلي مشروعیت خپلول دي
دید خبرې آژانس: د جمهوریت پرمهال د ننګرهار وروستی والي ضیالحق الحق امرخېل وايي په تېرو دریو کلونو کې د طا-لب چارواکو یو تکراري بحث له نړیوالو سره ښه اړیکي لرل دي. امرخېل په دې باور دی چې د بیروني مشروعیت لپاره لومړی ګام د داخلي مشروعیت راخپلول دي.
ښاغلي امرخېل نن شنبې «د لیندۍ۱۷مه» په خپل اېکس پاڼه کې لیکلي، چې ولس حاشيې ته ټېل وهل شوی.
امرخېل نیوکه کړې، چې د ولس مشروع غوښتنې نه اوریدل کیږي چې دې حالت یو ستر واټن رامنځته کړی.
ضیاالحق امرخېل لیکلي:«موږ وینو چې د هغو حکومتونو د اعتبار تله درنده ده چې د خپل ولس اعتبار یې راخپل کړی.»
دغه پخوانی چارواکی چې اوس مهال په افغانستان کې د طا-لبانو تر حاکمیت لاندې ژوند کوي په ټینکار سره وايي، چې د ولس باور په زور او رعب نه ترلاسه کیږي، بلکې د هغوی د غوښتنو په پوره کولو او هغوی ته په اهمیت ورکولو حاصلېږي.
